ព្រះសីហនុ៖ នាវាចម្បាំងនៃកងទ័ពជើងទឹកភូមិន្ទថៃ ចំនួន ១គ្រឿង ឈ្មោះ រតនៈកូស៊ីន (HTMS Rattanakosin FS-441) បានចូលចតនៅកំពង់ផែស្វយ័ត ក្រុងព្រះសីហនុ ខេត្តព្រះសីហនុ នៅព្រឹកម៉ោង៨ ថ្ងៃអង្គារ៍ ទី៥ ខែកក្កដានេះ ដើម្បីពង្រឹងចំណងមិត្តភាព និងពង្រឹងកិច្ចសហប្រតិបត្តិការល្អរវាងកងទ័ពជើងទឹកនៃប្រទេសកម្ពុជា-ថៃ។

នាវានេះមានបណ្តោយ ៧៦,៨២ម ទទឹង ៩,៥៥ម ជម្រៅទឹក ៤,៥០ម មានទម្ងន់ផ្ទុក ៩៦២តោន និងមាននាវិកចំនួន ៩២នាក់ ដឹកនាំដោយ លោកឧត្តមនាវីទោ អាថន ឆរ:ភីនយ៉ូ មេបញ្ជាការរង នៃបញ្ជាការដ្ឋានយោធភូមិភាគ១ នៃកងទ័ពជើងទឹកភូមិន្ទថៃ។ តាមគម្រោងនាវានេះនឹងចតក្នុងដែនទឹកកម្ពុជាចាប់ពីថ្ងៃទី៥ ដល់ថ្ងៃទី៩ ខែកក្កដា ឆ្នាំ២០២២ (រយៈពេល ៤ថ្ងៃ)៕